देउवालाई दनक दिए लगत्तै केपी ओलीले यसरी विघटन गरे आफैं प्रमुख रहेको कमिटी
नेकपा एमालेले अध्यक्ष केपी शर्मा ओलीको नेतृत्वमा गठित निर्वाचन परिचालन समिति भंग गरेको छ ।
उसले प्रदेश र प्रतिनिधिसभाको निर्वाचन परिचालन गर्न ओली नेतृत्वमा गत २४ असोजमा स्थायी समितिले दुवै तहको निर्वाचन परिचालन कमिटी गठन गर्ने निर्णय गरेको थियो । ओलीले सोमबारदेखि उक्त कमिटी भंग गरेको एमाले प्रचार विभागका उपप्रमुख सूर्य थापाले जानकारी दिए ।
कमिटीमा वरिष्ठ नेताद्वय माधवकुमार नेपाल र झलनाथ खनाल, उपाध्यक्ष वामदेव गौतम र महासचिव ईश्वर पोखरेलसहित सबै पदाधिकारी तथा केन्द्रीय पोलिट्ब्युरो र केन्द्रीय समितिका सबै नेता थिए । बाम गठबन्धनको संयुक्त पत्रकार सम्मेलन सकिए लगत्तै होटल अन्नपुर्णमै कमिटी भंग भएको घोषणा गरिएको थियो।
