डेभलपमेन्ट बैंकको पुस ७ गतेदेखि ५ लाख ९७ हजार कित्ता सेयर लिलामीमा आउँदै
नेपाल कम्युनिटी डेभलपमेन्ट बैंकले पुस ७ गतेदेखि ५ लाख ९७ हजार ३४९.८० कित्ता सेयर लिलामीमा बिक्री गर्ने भएको छ ।
बैंकले संस्थापक समूहको ५ लाख ३० हजार २४३.१६ कित्ता र सर्वसाधारण समूहको ६७ हजार १०६.६४ कित्ता सेयर लिलामीमा ल्याउन लागेको हो । लिलामीमा न्यूनतम १०० रुपैयाँलाई आधार मानेर बोलपत्र पेश गनुपर्नेछ । लगानीकर्ताले दुवै समूहमा न्यूनतम १०० कित्तादेखि अधिकतम सबै कित्ताका लागि आवेदन दिन सक्नेछन् । यसमा आवेदन दिने अन्तिम म्याद भने पुस १६ गते तोकिएको छ । नेपाल कम्युनिटीले असोज २६ देखि कात्तिक २९ गतेसम्म १२०५ हकप्रद निष्कासन गर्दा नबिकेको सेयर लिलामीमा ल्याउन लागेको हो । लिलामीमा सेयर बिक्री गरिसकेपछि चुक्ता पुँजी ४८ करोड ४६ लाख ४८ हजार ७८० रुपैयाँ पुग्नेछ ।
बिक्री प्रबन्धक एनआइबीएल क्यपिटल मार्केट लाजिम्पाट, काठमाडौं तथा यसका लगनखेल ललितपुर र चिप्लेढुंगा पोखरा शाखा कार्यालयबाट आवेदन दिन सकिनेछ । यसैगरी, नेपाल कम्युनिटीको केन्द्रीय तथा सम्पूर्ण शाखा कार्यालय तथा इन्भेष्टमेन्ट बैंकका विराटनगर, वीरगञ्ज, सुर्खेत नेपालगञ्ज, नारायणगढ र धनगढी शाखाबाट पनि बोलपत्र फारम भर्न र बुझाउन सकिने व्यवस्था छ ।
