सरकारी जागिर खान मन छ ? ३९० शाखा अधिकृत पदमा जागिर खुल्यो

सरकारी जागिर खान चाहनेहरुका लागि राम्रो अवसर खुलेको छ । लोकसेवा आयोगले राजपत्रांकित तृतीय श्रेणी अप्राविधिक खुला एवं समावेशी शाखा अधिकृतको लागि एकै पटक ३९० पदको लागि दरखास्त खुल्ला भएको छ । आयोगले बुधबारको गोरखापत्रमा यस सम्वन्धि सूचना प्रकासित गरेको छ ।

व्यवस्थापिका न्याय, परराष्ट्र, प्रशासन र लेखा परीक्षण सेवाको लागि दरखास्त आहृवान गरेकामा खुला तर्फ २०६ पद र महिलाका ५९ पदमा दरखास्त खुला गरिएको छ । समावेशीतर्फ आदिवासी,जनजाति, मधेसी, दलित, अपाङ्ग र पिछडिएको क्षेत्रको लागि विभिन्न कोटा तोकेको छ ।

अनलाइनबाटै दरखास्त फारम भर्न सकिने छ । दरखास्त आगामी पुस १८ गतेसम्म दिन पाइने छ । दोब्बर दस्तुरमा पुस २५ गतेसम्म पनि दरखास्त दिन सकिनेछ ।