प्रचण्ड करिब ४५ सय मतले अगाडि,अमरेश हजार मतले पछाडि
माओवादी केन्द्रका अध्यक्ष पुष्पकमल दाहाल प्रचण्ड प्रतिनिधिसभा चितवन क्षेत्र नम्बर ३ मा ४५ सय ६९ मतले अगाडि देखिएका छन्। उनले १८ हजार ४ सय ३ मत प्राप्त गरिसकेका छन्। उनको प्रतिद्वन्दी राप्रपा लोकतान्त्रिकका विक्रम पाण्डेले १३ हजार ८ सय ३४ मत प्राप्त गरेका छन्। उता सर्लाही क्षेत्र नम्बर ४ बाट नेपाली काँग्रेसका उम्मेदवार अमरेशकुमार सिंह निरन्तर पछाडि परेका छन् । उनलाई राष्ट्रिय जनता पार्टी (राजपा) का राकेशकुमार मिश्रले सुरुदेखि नै पछि पार्दै आएक छन् ।
पछिल्लो अपडेटअनुसार सर्लाही–४ मा राजपा उम्मेदवार मिश्र १३ हजार २ सय १३ मतका साथ अग्रता कायम राखेका छन् । काँग्रेसका अमरेशको १२ हजार २ सय ४४ मत छ । उनी एक हजार मतले पछि छन् ।
