झापाका छुट्टाछुट्टै स्थानमा २ वटा शव भेटिए
मंगलबार बिहान झापाको शिवसताक्षी नगरपालिकाको छुट्टाछुट्टै स्थानमा २ वटा शव भेटिएका छन्।
शिवसताक्षी नगरपालिका र कमल गाउँपालिकाको सिमानामा पर्ने कमल खोलाको पुलमुनि एक वृद्धको शव फेलापरेको हो। मृतक कन्काई नगरपलिका–३ की मीना तिवारीको ७२ वर्षीय बुबा खड्गबहादुर भुजेल रहेको इलाका प्रहरी कार्यालय झिलझिलेले जनाएको छ।
त्यस्तै, झापाको शिवसताक्षी–१० सैनिक चोकस्थित राजमार्ग दक्षिणमा पनि बेवारिसे अवस्थामा शव भेटिएको छ। नाम वतन नखुलेको अन्दाजी ५५ वर्षको जस्तो देखिने पुरुषको शव फेला परेको प्रहरीले जनाएको हो।
