बाबु छोराले संयुक्त रुपमा १५ बर्षीय बालिकाको बलात्कार गरे,पक्राउ परेका बलात्कारी छुटाउन कुन-कुन पार्टीका नेताले दिए यस्तो दबाब?
दुहबीमा १५ बर्षीय बालिकाको बलात्कार गर्ने बाबु छोरालाई प्रहरीले पक्राउ गरेको छ ।
दुहबी १० चरैया शिव मन्दिर टोलमा रहेका बाबु दिलिप मन्डल र छोरा सुशील मन्डल पक्राउ गरीएको हो ।
बालिकालाई बलात्कार गरि बालिकाको हजुरआमाको घरमा लगिएको थियो । घटनाको भोलिपल्ट समुदाय तथा दुहबी वडा अध्यक्ष लधुराम चौधरी र वडा सदस्य अन्तुरम मण्डल मिलि बालिकालाई बलात्कारीको घरमा जिम्मा लगाइएको थियो ।
घटनाको विवरण ईलाका प्रहरी कार्यलय दुहबीलाई दिदा समेत प्रहरीले बलात्कारी र मिलापत्र गराउने वडा अध्यक्ष लघुराम चौधरी र वडा सदस्य अन्तुराम मण्डललाई केहि कारवाही नगरी सामुहिक बलात्कार जस्तो जघन्य अपराधलाई मिलाउने प्रयास गरिएको अधिकारकर्मीको आरोप छ ।
तर, जाहेरी दर्ता गरेता पनि डाक्टरको रिपोर्ट नआएका कारण अनुसन्धानमा ढिलाई हुन गएको ईलाका प्रहरी कार्यलय दुहबीले जनाएको छ । अधिकारकर्मीको पहलमा बलात्कारीलाई पक्राउ गरेता पनि उनिहरुको रिहाइकालागी विभिन्न पार्टीबाट दबाब आएको प्रहरीले स्रोतले बताएको छ ।
