पहिलो चरणको मतदान सम्पन्न, ७० प्रतिशत पुग्ने अायोगको अनुमान
प्रतिनिधिसभा तथा प्रदेशसभा सदस्यका लागि ३२ जिल्लामा आईतबार भएको निर्वाचनमा औसतमा ७० प्रतिशत मत खसेको निर्वाचन आयोगले अनुमान गरेको छ ।
निर्वाचन आयोगका सहायक प्रवक्ता उपसचिव मुकुन्द शर्माका अनुसार जिल्लाबाट विवरण आइरहेकाले सुरुवाती आँकडा हेर्दा करिब ७० प्रतिशत मत खसेको हुनसक्ने अनुमान रहेको बताएका छन् ।
प्रतिनिधिसभा सदस्यका लागि ३७ प्रतिनिधिसभा र ७४ प्रदेशसभाको लागि भएको निर्वाचन ४ हजार ४ सय ६५ मतदान केन्द्रहेका थिए ।
बिहान ७ बजेदेखि सुरु भएको मतदान साँझ ५ बजेसम्म जारी रहेको थियो । बेलुका ५ बजेभित्र मतदान केन्द्रमा प्रवेश गरिसकेका मतदाताहरुले मतदान गर्न पाउने व्यवस्था गरेको निर्वाचन आयोगले जनाएको छ ।
पहिलो चरणमा अन्र्तगत भएको निर्वाचनमा प्रदेश नम्बर १ का सोलुखुम्बु, ओखलढुंगा, संखुवासभा, भोजपुर, ताप्लेजुङ, पााचथर र खोटाङ, प्रदेश नम्बर ३ का नुवाकोट, रसुवा, धादिङ, सिन्धुपाल्चोक, दोलखा र रामेछाप, प्रदेश नंम्बर ४ का मुस्ताङ, म्याग्दी, बागलुङ, मनाङ, लम्जुङ र गोरखा, प्रदेश नंम्बर ५ का रुकुम पूर्वी भाग र रोल्पा, प्रदेश नंम्बर ६ का रुकुम पश्चिम भाग, जाजरकोट, हुम्ला, मुगु, जुम्ला, कालीकोट र डोल्पा तथा प्रदेश नंम्बर ७ का दार्चुला, बझाङ, बाजुरा र बैतडी जिल्लामा मतदान भएको छ ।
पहिलो चरणको निर्वाचनमा कूल ३१ लाख ९१ हजार ९४५ मतदाता थिए ।
