पाँच करोडको लगानिमा अक्सिजन उद्योग सञ्चालन
दाङमा पहिलो पटक करीव ५ करोड रुपैयाँको लगानीमा अक्सिजन उत्पादन उद्योग सञ्चालनमा आएको छ । दाङको लक्ष्मीपुर–६ मा दाङ अक्सीजन प्रालिले उद्योग सञ्चालनमा ल्याएको हो ।
उद्योगले अक्सीजनको प्रराम्भिक उत्पादन समेत शुरु गरिसकेको उद्योग सञ्चालक टोपाराम पौडेलले जानकारी दिएका छन् । ‘राप्ती र आसपासका जिल्लाहरुलाई लक्षित गर्दै यो उद्योग सञ्चालनमा ल्याइएका हो ।
उनका अनुसार उद्योगले दैनिक दुई सय सिलिण्डर अक्सिजन उत्पादन गर्ने छ । उद्योग सञ्चालनका लागि सबै कानूनी प्रक्रिया पूरा गरेर परिक्षण उत्पादन समेत शुरु गरिसकेकाले अबको केहि महीनामै आफ्नो उत्पादन बजारमा ल्याउने तयारी भएको उद्योग सञ्चालकहरुले बताएका छन् । विशेष गरी उद्योगले अस्पतालमा प्रयोग गरिने अक्सिजन उत्पादन गर्नेछ ।
