ओली र प्रचण्डको संयुक्त चुनावी अभियान (हेर्नुस् कति गते, कुन जिल्ला जाँदैछन्)
एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डको संयुक्त चुनावी अभियान गोरखा बाट सुरु हुने भएको छ ।
वाम गठबन्धन बनाएपछि यसअघि नै घोषणा गरिएको संयुक्त चुनावी अभियान कात्तिक २९ गते गोरखाबाट सुरु हुने भएको हो ।
गोरखा हुँदै कात्तिक ३० मा बागलुङ र स्याङ्जा, मंसिर २ गते झापामा हुने सभालाई दुई नेताले सम्बोधन गर्नेछन् ।
मंसिर ३ गते झापाको काँकडभिट्टा र मोरङ, मंसिर ५ गते बुटवल र दाङ, ७ गते सुर्खेत र दैलेख, ८ गते कैलाली र कञ्चनपुरमा हुने छुट्टाछुट्टै चुनावी सभालाई सम्बोधन गर्ने कार्यक्रम छ । त्यसपछि मंसिर ९ गते दुई नेता पोखरा पुगनेछन् ।
