दुई युवाले एकै युवती ताके पछी गोली चल्यो,गोली लागेर गुरुङ सख्त घाइते
राजधानीको लैनचौरस्थित म्हैपीमा आज बिहानै भएको गोली काण्ड युवतीका कारण भएको खुल्न आएको छ । युवतीका विषयमा झगडा हुँदा गोली चलाइएको प्रहरी स्रोतले जनाएको छ ।
आइतबार बिहान करिव ४ बजेतिर स्कुटरमा गइरहेका रानीबारी बस्ने गोरखा लापार्क ४ का करिव २९ बर्षीय कल्याण गुरुङमाथि गोली प्रहार भएको प्रहरीले जनाएको छ । कारमा आएका युवकले एक राउण्ड गोली प्रहार गरेका थिए । गुरुङलाई खुट्टामा गोली लागेको छ ।
बा ५७ प ६९५७ नम्बरको स्कुटरमा सवार गुरुङलाई सेतो कारमा आएको समूहले म्हैपी बहती पोखरी नजिकै सडकमा गोली प्रहार गरेको थियो ।
प्रहरीले घटनामा संलग्न रहेको आरोपमा दुई युवतीसहित पाँच जनालाई नियन्त्रणमा लिएको छ ।
महानगरीय प्रहरी परिसरका प्रमुख एसएपी रविन्द्र धानुकले मुख्य अभियुक्तसहित पाँचजना पक्राउ परेको बताए । घटनामा प्रयोग भएको कार पनि नियन्त्रणमा लिइएको छ ।
प्रहरीको प्रारम्भिक बयानमा दुई समूहबीच गएराति डिस्कोमा झगडा परेको पनि खुलेको छ । ठमेलको सिएन डिस्को दुई समूहबीच झगडा भएको प्रहरीले बताएको छ ।
