पूर्व प्रधानन्यायाधीश सुशीला कार्कीको एमालेमा प्रवेश गर्ने यस्तो छ तयारी

पूर्व प्रधानन्यायाधीश सुशीला कार्की नेकपा एमालेमा प्रवेश गर्ने तयारीमा छिन् ।
एमाले अध्यक्ष केपी ओलीले कार्कीलाई एमाले प्रवेश गर्न आग्रह गर्दै छलफल समेत चलाएको बुझिएको छ ।

कार्की एमालेमा प्रवेश गर्ने विषयलाई लिएर अध्यक्ष केपी ओली र उनको केही चरणमा छलफल चलेको एमालेका एक केन्द्रीय सदस्यले बताए । उनका अनुसार कार्की चुनावअघि नै एमाले प्रवेश गर्नसक्ने सम्भावना छ ।

केपी ओलीको प्रस्तावलाई कार्कीले सकारात्मक रुपमा लिएको पनि बताइएको छ । उनले प्रत्यक्ष रुपमा एमालेमा आउने बचन नदिए पनि चुनावसम्म आउनसक्ने संकेत देखाएको ती नेताले बताएका छन् ।

राष्ट्रिय चासोसँग जोडिएका पछिल्ला केही महत्वपूर्ण घटनामा कार्कीको नाम पनि जोडिएको थियो । ती घटनामा कार्कीलाई एमालेले साथ पनि दिएको थियो । पूर्वप्रधानन्यायाधीश कार्कीले भने महाअभियोग घटनामा एमालेले साथ दिएकोमा आभारी रहेको भन्दै एमालेसँग सकारात्मक भएको एमाले नेताहरुसँग बताएकी थिइन् ।

सुशीला कार्की नेपाली कांग्रेस निकट भनेर चिनिए पनि पछिल्लो समय एमालेका नेताले उठाएका मुद्दासँग उनी सहमत भएको बुझिएको छ । एमालेका ती नेताले दिएको जानकारीअनुसार कार्की छिट्टै एमालेमा प्रवेश गर्ने्छिन् ।

यसअघि डीआईजी नवराज सिलवाल, गायिका कोमल वली, पूर्व एसएसपी बसन्त कुँवर एमाले प्रवेश गरिसकेका छन् ।