उपेन्द्र नेतृत्वको फोरम कांग्रेस गठबन्धनमा नआउने
सत्तारुढ दल नेपाली कांग्रेस नेतृत्वको गठबन्धनमा उपेन्द्र यादव नेतृत्वको संघीय समाजवादी फोरम नेपाल सामेल नहुने भएको छ ।
प्रदेशसभा र प्रतिनिधिसभा निर्वाचनका लागि कांग्रेससँग तालमेल खुला रहे पनि कांग्रेस नेतृत्वको गठबन्धनमा भने संघीय फोरमको संलग्नता नरहने उपेन्द्र यादवले बताएको हो ।
कांग्रेससँग मात्रै नभई एमाले नेतृत्वको गठबन्धनमा पनि नगई बाहिर निर्वाचनको मैदानमा उत्रने फोरमले औपचारिक निर्णय लिएको छ ।
पार्टीको उक्त औपचारिक धारणा संघीय फोरमले प्रधानमन्त्री शेरबहादुर देउवालाई समेत जानकारी गराइसकेको वरिष्ठ उपाध्यक्ष अशोककुमार राईले बताए ।
