राजस्वमारा चूडामणीको ५० करोड लिएर २ नम्बर प्रदेशमा लगानी गर्दै प्रचण्ड,चुनाबका नाममा कहाँ-कहाँ बाट कति उठाए प्रचण्डले?
माओबादी केन्द्रका अध्यक्ष प्रचण्डले राजस्वमारा चुडामणी शर्मा संग पैसा लिएर असोज २ गते हुने २ नम्बर प्रदेशको चुनाबमा पैसाको खोलो बगाएको तथ्य खुलेको छ। २१ अर्ब राजस्व हिनामिना गरेको आरोप सहित अख्तियारले नियन्त्रणमा लिएका शर्मालाई अदालतको सहायतामा छुटाएर मुद्धा जिताईदिने शर्तमा प्रचण्डले शर्मा संग ठुलो रकम लिएको र त्यसैलाई प्रयोग गरेर चुनाब जित्न लागिपरेको तथ्य बाहिरिएको हो।पररास्ट्र मन्त्री कृष्ण बहादुर महरा र बर्षमान पुन मार्फत ५० करोड भन्दा बढी शर्माले प्रचण्डलाई दिएका हुन्।नगद बाहेक राजस्वमारा उदधोग बाट चामल सहितका दैनिक उपभोग्य बस्तु समेत शर्माले प्रचण्डलाई दिएको र त्यहि सामग्री प्रचण्डले राहतका नाममा वितरण गरेको खुलेको हो।
यसैलाई पुष्टी गर्दै बाबुराम भट्टराईले एक ट्वीट गर्दै प्रचण्डले एनसेल, चिनियाँ कम्पनी गेजुवा र आर्थिक अनियमितता गरेको आरोपमा अख्तियारले नियन्त्रणमा लिएर छुटेका चूडामणि शर्मासँग कमिसन लिएको आरोप समेत लगाएका छन् ।
‘चुनावको वेला मधेससंग लभ १ सत्ताको निम्ति बाह्य शक्तिकेन्द्रसँग लभ ! कमिसनका निम्ति एनसेल–गेजुवा–चुडामणिसंग लभ ! कलियुगका कृष्णको लीला अपरम्पार छ !’ नेता भट्टराईले ट्वीटरमा भनेका छन् ।
‘मतदाता रिझाउने क्रममा दाहाल रौतहटमा’ शीर्षकको समाचार ‘रि–ट्वीट’ गर्दै भट्टराईले प्रचण्डविरुद्ध यस्तो आरोपसमेत लगाउन भ्याए । एनसेलले प्रचण्डलाई चुनाबी खर्च भनेर २० करोड दिएको छ त्यस्तै चिनियाँ कम्पनी गेजुवाले अहिले १० करोड दिने र चितवनमा अरबौको लगानी गर्ने प्रतिबद्वता जनाएको छ। चिनियाँ कम्पनी गेजुवाले लगानी गर्ने भए पछी प्रचण्ड आगामी चुनाबमा चितवनबाट चुनाब लड्ने भएका हुन्। चितवन बाट चुनाब लड्ने घोषणा गर्दै उनले चिनियाले सहयोग गर्ने सार्वजनिक रुपमा बताएर यसको पुष्टी गरिसकेको छन्।
