देउवालाई चीनले भ्रमणको निम्तो दिए लगत्तै भारतको चासो,देउवाको भ्रमण रोक्न के गर्दैछन भारतीय राजदूत
उत्तरी छिमेकी चीनले प्रधानमन्त्री शेरबहादुर देउवालाई चीन भ्रमणको निम्तो दिएको छ । चीन भ्रमणमा रहेका उपप्रधान एवं परराष्ट्रमन्त्री कृष्णबहादुर महरा मार्फत चीनले देउवालाई भ्रमणको निम्तो दिएको हो ।
प्रधानमन्त्री ली खछ्याङसहित उच्चस्तरीय अधिकारीसँग बिहीवार भएको भेटमा चिनियाँ प्रधानमन्त्री खछ्याङले नेपालका प्रधानमन्त्री शेरबहादुर देउवालाई चीन भ्रमणको निमन्त्रणा दिएका राष्ट्रिय समाचार समितिले जनाएको छ । यसैगरी महराले चीनका राष्ट्रपति सि चीनपिङलाई नेपाल भ्रमणको निमन्त्रणापत्र दिएका छन् ।
ह्लासा–काठमाडौँ रेलमार्ग प्रक्रिया अगाडी बढाइने यसैबीच, चीनले ह्लासा–काठमाडौँ र काठमाडौँ–लुम्बिनी रेलमार्ग निर्माणका लागि विगतमा भएको समझदारीअनुसार प्रक्रिया थप अघि बढाउने भएको छ ।
चीनको ‘एक क्षेत्र, एक मार्ग’को कार्यक्रमका बारेमा आफूले नेपालका सबै प्रमुख दलका नेतासँग परामर्श गरेर साझा र सकारात्मक धारणा लिएर आएको विश्वास दिलाएपछि चिनियाँ प्रधानमन्त्री खछ्याङले हवाइ र रेलमार्गको सम्पर्क सञ्जालसम्बन्धी विगतमा भएका समझदारीलाई अघि बढाइने प्रतिबद्धता व्यक्त गरेका हुन् । तत्कालीन प्रधानमन्त्री केपी शर्मा ओलीको चीन भ्रमणका समयमा दुई देशबीच व्यापार र पारवहन सम्झौता भएको थियो । देउवालाई चीनले निम्तो दिएको थाहा पाए पछी भारतीय राजदूतले चासो ब्यक्त गरेको र चीन नजान आग्रह गर्न आफुलाई भारतीय विदेश मन्त्रालयले खबर पठाएको भन्दै भारतीय राजदूत मंझिभ सिंह पुरीले खबर पठाएका छन।श्रोतका अनुसार भारतलाई बेखुसी पार्दै देउवा चीन नजाने मनस्थितीमा पुगेको बताईएको छ।
