यी हुन् गोर्खाल्याण्ड दबाउन ममताले थुन्न खोजेका नेता,ममता संगै को-को जादैछन सती?

पश्चिम बंगाल सीआईडीले दार्जीलिङमा जारी गोर्खाल्याण्ड आन्दोलनको नेतृत्व गरिरहेको गोर्खा जनमुक्ति मोर्चा(गोजमो) प्रमुुख बिमल गुरुङ सहित तीन नेताविरुद्ध ‘खोजी सूचना’ जारी गरेको छ।

सीआईडीले शुक्रवार जारी गरेको उक्त सूचनामा गुरुङ सहित मोर्चा महासचिव रोशन गिरी र नेता प्रकाश गुरुङको पनि नाम छ।
दार्जीलिङ र कालिङपोङमा बिस्फोटन गराएको र अन्य धेरै घटनामा दोषी रहेको भन्दै उनीहरु विरुद्ध सूचना जारी गरिएको बताइएको छ।
दुई महिना भन्दा लामो समय देखि दार्जीलिङमा जारी गोर्खाल्याण्ड आन्दोलनबारे राज्य सरकारसँग वार्तामा बस्ने/नबस्ने बिषयमा विवाद चलिरहेका बेला प्रहरीले यस्तो सूचना निकालेको हो।

आफुसँग कुनै पनि परामर्श नगरि पश्चिम बंगाल राज्य प्रमुख ममता बेनर्जीसँग वार्ता गरेको भन्दै गत बिहिबार मोर्चा प्रमुख गुरुङले वार्ताको संयोजन समेत गरेका पार्टी सहसचिव बिनय तामाङलाई पार्टीबाट निष्काशन गरेका थिए।

तामाङ नेतृत्वमा गत मंगलवार राज्य सरकार प्रमुख बेनर्जीसँग कोलकातामा पहिलो वार्ता भएको थियो र दोस्रो वार्ता सेप्टेम्बर १२ मा हुने बताइएको छ।
आन्दोलन फिता लिन आग्रह गरेको भन्दै दार्जीलिङ र आसपासका क्षेत्रमा आन्दोलन पक्षधर हजारौंले तामाङ विरुद्ध प्रदर्शन गरेका थिए।