सामसुङका साहुको किर्ते धन्दा,तोकियो पाँच बर्ष जेल सजाय
दक्षिण कोरियाली मोबाइल फोन उत्पादक कम्पनी सामसुङका अर्बपति मालिकका उत्तराधिकारी ली जेय योङलाई भ्रष्टाचारको अभियोगमा ५ वर्ष कैद सजाय सुनाइएको छ । दक्षिण कोरियाको सोलस्थित एक अदालतले भ्रष्टाचार गरेको ठहर गर्दैै सामसुङका कार्यवाहक अध्यक्ष ली जाय योङलाई पाँच वर्षको जेल सजाय तोकेको हो ।
लिमाथि एक गैरसरकारी संस्थालाई राजनीतिक लाभका लागि झण्डै ३ करोड ६० लाख अमेरिकी डलर बराबरको सहयोग गरेको आरोप लागेको थियो । बीबीसीले जनाएअनुसार पूर्व राष्ट्रपति पार्क ग्वेन हीलाई महाभियोग लागेकै भ्रष्टाचार मुद्दामा ली पनि मुछिएका थिए । ली गत फरबरीदेखि थुनामा राखिएका छन् ।
लिले भने आफूमाथि लागेका सबै आरोपको खण्डन गर्दै आएका छन् । लिका वकिलले अदालतको फैसलाविरुद्ध पुनरावेदन गर्ने बताएका छन् । विश्वकै सबैभन्दा ठूलो स्मार्टफोन मेकर सामसुङका उत्तराधिकारी लिलाई गत फेब्रुअरीमै भ्रष्टाचारको आरोपमा पक्राउ गरिएको थियो। फैसला आउनेबित्तिकै सामसुङको शेयरमा गिरावट आएको छ। एजेन्सी
