काठमाडौँ -१० बाट माओवादी केन्द्रका अध्यक्ष प्रचण्डलाई हराएका कांग्रेसी राजन केसी खेलकुद मन्त्री त भए तर मन्त्री भएको महिना दिनमै उनी मानव तस्करीको जालोमा फसेका छन् । लोभी पापी बाट घेरिएका उनी बदनाम बनेका छन्।
साउन २५ गते रुस जान लागेका १४ जना खेलाडीलाई अनुमति दिने यिनै मन्त्री थिए । यिनको आदेशमा रुससम्मलाई प्रतिव्यक्ति ३ लाख र रुस पुगेपछि प्रतिव्यक्ति ३० लाख लिएर युरोपियन मुलुक पठाइदिने मानव तस्करको जालोमा फसेपछि मन्त्रीले अनुमति दिएका थिए ।
तर खेलकुद परिषदको पत्र नक्कली ठहर भएपछि अध्यागमन कार्यालयले यिनलाई उड्ने अनुमति दिएन । जसका कारण मन्त्री पनि मानव तस्करीमा फसेको पोल खुलेको छ ।यो खेलाडीको भेषमा मानव तस्करी गर्ने को को हुन्, त्यो मिलोमतोवालाहरुको मुखुण्डो नउतार्ने हो भने मन्त्री अप्ठेरोमा परेका छन् ।
उनले आफ्ना गुरु नेता रामचन्द्र पौडेललाई यसबारेमा कुरा गरिरहेका छन्, रामचन्द्रले यिनलाई बचाउँछन् कि राम राम गर्छन्, त्यो भने कांग्रेसभित्र हल्लीखल्लीको विषय बनेको छ । साथै प्रकाश मान सिंह संग पनि हारगुहार गर्न मन्त्री केसी पुगेका छन्। उनले आधा दर्जन युवती लाई अमेरिका पठाईदिने नाममा संगै राखेको पोल समेत खुलेको छ।
