गोरखाल्याण्डको मागमा पहाडमा जारी रहेको अनिश्चितकालिन बन्द दुई महिना पुग्नै लाग्दा गोरखा जनमुक्ति मोर्चालाई केन्द्र सरकारबाट वार्ताको निमन्त्रणा प्राप्त भएको छ । केन्द्रीय गृहमन्त्री राजनाथ संहले मोर्चालाई आईतबार अपरान्ह ४:३० बजे नयाँ दिल्लीमा वार्ताका निम्ति बोलाईएको मोर्चाका प्रमुख विमल गुरुङद्धारा जारी विज्ञप्तिमा जनाईएको छ । पहाडमा गोरखाल्याण्ड आन्दोलन जनताको आन्दोलनमा परिणत भएकोले केन्द्रको बर्ताको निमन्त्रणालाई पहाडका विभिन्न राजनीतिक र गैह्र राजनीतिक दलहरुको संयुक्त संगठन समक्ष विचारार्थ राखिएको विज्ञप्तिमा जनाईएको छ । गारेखाल्याण्ड आन्दोलनमा सहभागी पहाडका सबै दलका प्रतिनिधिहरुले दिल्लीको बैठकमा भाग लिने अनि गोरखाल्याण्डको संभाव्य रोडम्याप तयार गर्नमा सहयोग पु¥याउने आशा मोर्चा प्रमुखले गरेको छन् । वार्ताको निमन्त्रणा दिएकोमा केन्द्रका गृहमन्त्रीलाई धन्यावाद दिदै केन्द्र सरकारले गोरखाहरुसँग शिघ्र न्याय गर्ने आशा विमल गुरुङले गरेका छन् ।
