शेरेका तिघ्रेले दुख दिए भन्दै किन कड्किए रामचन्द्र,मन्त्री बन्ने र बनाउने खेलले पानी बाराबार
कांग्रेस सभापति शेरबहादुर देउवाले आफ्नै नेतृत्वको सरकार विस्तारका क्रममा गुट–उपगुटको व्यवस्थापन गर्न नसक्दा र मन्त्रीका आकांक्षीको चित्त बुझाउन नसक्दा खटपट भएको छ ।
देउवाले पछिल्लो पल्ट विस्तार गरेको मन्त्रिपरिषद्मा पर्न मरिहत्ते गर्ने नेताहरु मन्त्री बन्न नपाएपछि चित्त दुखाउँदै पार्टी नेतृत्वलाई सत्तो सराप समेत गर्न थालेका छन् । देउवाले प्रधानमन्त्री भएको डेढ महिनापछि साउन ११ गते मन्त्रीपरिषद् विस्तार गर्दा पार्टी संस्थापन पक्ष र असन्तुष्ट पक्षमा समेत विवाद भएको हो ।
नेता रामचन्द्र पौडेलले कांग्रेसले मन्त्रिपरिषद्मा पाउने मन्त्रालयमध्ये आफ्नो गुटलाई ४० प्रतिशत पाउनै पर्ने अडान लिएका कारण र आफ्नै गुटबाट मन्त्रीका आकांक्षी धेरै भएपछि देउवाले ढिलो गरी मन्त्रिपरिषद् विस्तार गरेका थिए ।
देउवाले गुट र उपगुटका मन्त्रीका आकांक्षीलाई चित्त बुझाउँदा स्थानीय तहमा सबैभन्दा बढी स्थान जिताउन सफल मोरङ, गोरखा र नवलपरासीबाट एक जनालाई पनि मन्त्री बनाएनन् । यी जिल्लाबाट कांग्रेसले नौं–नौं वटा स्थानीय तहमा जित हासिल गरेको थियो ।
पुरानो संस्थापन पक्ष (कोइराला–पौडेल) लाई छोडेर पछिल्लो डेढ वर्षदेखि सभापति देउवाको पक्षमा उभिएका र पार्टी संसदीय दलको प्रमुख सचेतक समेत भएका चिनकाजी श्रेष्ठ मन्त्रिपरिषद्मा पर्न नसक्दा सबैभनदा धेरै चित्त दुखाउनेमा परेका छन् ।
उनले अन्य दल एमाले र माओवादीका संसदीय दलका सचेतकहरु चर जनासम्म मन्त्री हुँदा पनि आफ्नो पालो नआएको भन्दै चित्त दुखाएका थिए । उनले निरंकुश पञ्चायती व्यवस्थामा समेत यस्तो मानसिक तनाव नभोगेको भन्दै सभापति तथा प्रधानमन्त्री देउवालाई पञ्चायती व्यवस्थाले सृजना गरेको यातना भन्दा बढी पीडा दिने व्यक्तिको रुपमा चित्रित गरेका छन् ।
देउवाकै गुटका युवा नेता भिष्मराज मन्त्री आङदम्वेलाई पनि देउवाले अन्तिम समयमा आएर मन्त्री नबनाएकोमा ठूलै चित्त दुखाए । उनले आदिवासी जनजाति भएर मात्र होइन, चाकडी र चप्लुसी गर्न नसक्ने आफ्नै कमजोरीलाई धिक्कादै थिए, आफ्ना नजिकका साथीहरुसँग ।
पार्टीको १३ औं महाधिवेशनमा पुरानो संस्थापन पक्षलाई छोडेर देउवालाई साथ दिन आएका पर्वतका अर्जुनप्रसाद जोशीले देउवालाई सभापतिमा जिताउन राम्रै भूमिका खेलेका थिए । उनी पार्टीको जनसम्पर्क समितिका संयोजकको हैसियतले देउाको पक्षमा माहौल बनाएका थिए, तर उनी नै केन्द्रीय सदस्यमा उम्मेवारी दिएर देउवा गुटबाट पराजित भए ।
केन्द्रीय सदस्य बनाइएका जोशीले मन्त्रीपरिषद् विस्तार हुनु अघिल्लो साँझबाट मन्त्री हुनेको लिस्टबाट आफ्नो नाम काटिएको खुबै चित्त दुखाएका छन् । उनले पार्टी महाधिवेशनमा देउवालाई लगाएको गुन सम्झना नभएर होला, आफू मन्त्री बन्न सकिन भन्दै प्रतिक्रिया दिँदै हिँडेका छन् ।
श्रेष्ठ, आङदम्बे र जोशीलाई मन्त्री बनाउने भनेर अन्तिममा धोका दिए पछि कोही पनि सपथ समारोहमा गएनन् । श्रेष्ठ दौरासुरुवाल लगाएर सथप भनेर जान लागेकाले घरमा थचक्क बसे भने आङदम्वे ललितपुरको गोदाबरी तिर लागेका थिए । पार्टीका पूर्व उपसभापति रामचन्दै पौडेल गुटमा भने मन्त्री बन्ने विषयमा ठूलै पहिरो गएको छ ।
पौडेल गुटमा असन्तुष्टि यति चुलिएको छ कि, उनकै गुटबाट महामन्त्री बनेका डा.शशांक कोइराला राम्रोसँग पौडेलसँग दिल खोलेर बोल्दैनन् । उनले चित्त दुखाई मन्त्री बन्न नपाएकोमा भन्दा पनि सभापतिलाई असहयोग गर्दै गुट बलियो बनाउने र आफ्नो सल्लाह नमान्ने भन्ने विषयमा बढी थियो ।
सभापति देउवाले जेठ २३ गते प्रधानमन्त्रीको सपथ खाएकै बेला महामन्त्री डा.कोइरालालाई उपप्रधानमन्त्री सहित एउटा मन्त्रालय दिन चाहन्थे । तर, पौडेलले नै रोकेको थिए । देउवा त्यतिबेला मोरङका महेश आचार्यलाई सञ्चार मन्त्री बनाएर क्याविनटमा लान चाहन्थे ।
पौडेलको अवरोधले मन्त्रिपरिषद्मा जान नपाएपछि कोइराला र आचार्य त्यसैबेलादेखि पौडेलसँग चिडिएका छन् । पछिल्लो पटक मन्त्रिपरिषद् विस्तार गर्दा महामन्त्री कोइरालाले दीपक गिरीलाई पुन मन्त्रिपरिषद्मा लैजाने प्रस्ताव गरेका थिए तर पौडेलले मञ्जुरी दिएनन् ।
उनले महिलाको समेत प्रतिनिधित्व हुने भन्दै झापाकी नेतृ तथा विगत चार वर्षदेखि अचेत अवस्थामा बाँचिरहेका नेता चक्र बास्तोलाकी भाञ्जी सरिता प्रसाईलाई मन्त्री बनाउने प्रस्ताव गरे । कोइरालाको यो प्रस्तावलाई समेत पौडेलले लत्याएपछि उनले सबै निर्वाचितलाई मन्त्री बनाउने भन्दै कास्कीका यज्ञ थापा र बर्दियाका सञ्जय गौतमको नाम अघि सार्नु परेको थियो ।
पार्टीको केन्द्रीय कार्य सम्पादन समिति गठन गर्दा पौडेलले आफूहरुको नाम कटाएको भन्दै पाका नेता आननदप्रसाद ढुंगाना र डा.शेखर कोइराला तीन महिनाअघि देखि नै पौडेलसँगको सम्बन्धबाट टाढिएका छन् । पछिल्लो समय मन्त्रिपरिषद् विस्तारमा पौडेलले सल्लाह गर्न समेत बोलाउन छाडेपछि ढुंगाना र डा.शेखर पौडेलसँग रुष्ट बनेका छन् । जनप्रहारको सहयोगमा
