भरतपुर १९ मा कांग्रेसले जित्यो,२० मा के हुदैछ?

भरतपुर महानगरपालिका वडा नम्बर –१९ मा नेपाली कांग्रेस प्यानल नै विजयी भएको छ । अध्यक्षमा कर्ण गुरुङसहित प्यानल नै विजयी भएका हुन् ।
भरतपुर १९ मा दलित महिला सदस्यमा चुन्चा परियार, खुला सदस्यमा जयनारयण सापकोटा, दोर्ण गुरुङ, महिला सदस्यमा साधना पराजुली वियजी भएका छन् । भरतपुर १९ मा हिजो पुनः निर्वाचन भएको थियो ।

पुनः निर्वाचन भएपनि नेकपा माओवादी केन्द्रकी उम्मेदवार रेणु दाहाल २२१ ले अन्तरले पछाडी छिन् । अब वडा नम्बर २० को मत गन्न बाँकी रहेको छ ।२० को प्रारम्भिक नतिजामा रेणु पछाडी परेकी छिन।
पहिलो चरणको मतगणनाका क्रममा गएको जेठ १४ गते राती माओवादी प्रतिनिधिले मत्रपत्र च्यातेका थिए । मतपत्र च्यातिएसँगै रोकिएको वडा नं १९ को मतगणना फेरि मतदानपछि सुरु गरिएको हो ।
मतगणनास्थललाई सुरक्षित र व्यवस्थित बनाइएको छ । मुख्य निर्वाचन अधिकृत कविप्रसाद न्यौपानेका अनुसार कुनै किसिमको समस्या आउन नदिनका लागि मतगणनास्थलमा तीन वटा र बाहिर दुई वटा सिसी क्यामेरा जडान गरिएको छ । मतगणनास्थलमा दलका प्रतिनिधि बस्ने स्थानमा तारजाली पनि लगाइएको छ । भरतपुर महानगरपालिका–१९ मा हिजो भएको मतदानमा ७५ प्रतिशत मत खसेको छ । जम्मा ३७९७ मतदाता रहेको भरतपुर–१९ मा २८८७ मत खसेको हो ।