सावधान ! सहकारीका कारण तपाई पनि पुग्नुहोला सडकमा

काठमाडौँ ।  बैंक तथा वित्तीय संस्था तथा सहकारीहरुले करोडपतिलाई कसरी रोडपति बनाइदिन्छन् र जीवनभर मर्नु न बाँच्नुको अवस्थामा पु¥याइदिन्छन् । कांग्रेस नेत्री मृदुला कोइरालाले गभर्नर चिरञ्जीवी नेपालको मिलेमतोमा काभ्रेली टेकनाथ हुमागाईंलाई रोडमा पु¥याइदिएकै शैलीमा मलाई पनि घर न घाटको अवस्थामा पु¥याइदिएका छन् । अहिले बैंक भन्दा जब्बर भएर उदाएका छन सहकारी । जसरी सुधीर बस्नेतले सहकारी मार्फत हजारौं सर्वसाधरणहरुलाई ठगे ठीक उही ढंगले लुटिए,वर्वाद भए म सहकारीकै कारण । यसरी मलाई घर न घाटको अवस्थामा पुर्याइदिने सहकारी हो ललितपुरको मानभवनमा रहेको जय अम्बे बचत तथा ऋण सहकारी संस्था । र सो संस्थाका दुई टाउकाहरु नबिन बस्नेत र सञ्चालक तथा कर्जा प्रमुख शैलेन्द्र कुमार श्रेष्ठकै कारण आज मेरो बिल्लीवाठ भएको छ । पेशाले व्यापारी । चितवनको नारायणगढमा नाम चलेको व्यापारीमा गनिन्थे । कैलास खाद्य स्टोर सञ्चालन गर्दै आएको थिए । यस्का साथसाथैं जग्गाको कारोवार समेत गर्दै आएको थिए । त्यहाँका स्थानीयहरुको म प्रति यति अगाध विश्वाश र प्रेम थियो कि बरु उहाँहरुको बैंक प्रति अविश्वाश थियो म प्रति त्यति विश्वाश थियो । हाम्रो पैसा सुरक्षित राखिदिनुहोस भन्दै पैसा दिन आउथे । नाम,दाम सबै कमाएको थियो । सधै नियममा कहाँ चल्दो रहेछ र जिन्दगी रु सबै हिसाबले सम्पन्न थिए । कैलाश खाद्य उद्योग सञ्चालनका लागि ऋण आवश्यक परेको हुँदा नेपाल बैंकबाट ५ लाख ऋण लिए । यही समयमा भेट भएको हो गुण बहादुर थापा उर्फ शभ्भु थापासँग भेट भएको हो । यी यीनै व्यक्ति हुन जस्ले नवराज सिलवाललाई समेत वदनाम गराए । जीवनमा यस्ता व्यक्तिसँग नजोडिएको हुँदो हुँ त आज मेरो यो हालत हुने थिएन । उनीहरुसँग काम गर्दा जग्गाको कारोबार गर्ने र अझैं नाफा कमाउने हेतुले जुन स्थानमा मिल थियो । सोही मिल धितोमा राखेर नेपाल शेयर मार्केट २० लाख रुपैंया ऋण लिइयो । फेरि अर्को बैंकसँग ४० लाख ऋण लिइयो । पछि शिखर फाइनान्ससँग १ करोड ४० लाख रुपैंया ऋण लिइयो । तर पार्टनरसिपमा लिइएको ऋणमा पार्टनरलाई पोस्ने मात्र काम भयो । लगानी गरेको रकम समेत उठाउन सकिएन । बीचमा उनीसँग विवाद भयो र ६८ सालमा उनको नाममा रहेको जग्गा जस्को बजारमुल्य ७० लाखको हाराहारीमा थियो । सोही जग्गा लिएर हिसाब मिलान गरियो । यसरी शभ्भुको कारण खनिएको खाल्डोमा दिन प्रति दिन पुरिदै गए । बैंकका व्याज चढ्दै जाने तर तिर्न नसक्ने अवस्थामा पुगे । सोही ऋणको व्याज शिखर फाइनन्सलाई पटक पटक गरी व्याज मात्रै एक करोडभन्दा बढी तिरिसकेको थिए । तर सावा तिर्न नसकेपछि साबिक नारायणगढमा ८,हाल भरतपुर वडा नम्बर ५ मा रहेको बैकुन्ठ चोकमा रहेको कैलाश खाद्य उद्योग रहेको ११९४ र ११९६ कित्ता नम्बर १९ धुर,कठार गाविस वडा नम्बर ७ ख कित्ता नम्बर २१ को १० कठ्ठा,चैनपुर २ खमा रहेको ३२६ किता नम्बरमा रहेको २ कठ्ठा,६ घ को किता नम्बर ६ र ७, जवि १ कठ्ठा १४ धुर र २ कठ्ठा ५ धुर,४ खको किता नम्बर ३८६ र २०१४ को ३ कठ्ठा १४ धुर र ३ कठ्ठा ९ धुर,खैरेनी ३ घ मा रहेको ३९२,३८२ कित्ता नम्बर ३ कठ्ठा १२ धुर र २ कठ्ठा १९ धुर,हाजिपुर ६ क कित्ता नम्बर १८०६ मा रहेको ४ कठ्ठा ६ धुर,बिरेन्द्रनगर ८ कित्ता नम्बर २५,१५२,१५८ गरी ३ बिघा ११ कठ्ठा २ धुर जग्गा बैंकको कव्जामा गयो । बैंकसँग गरिएको सहमति अनुसार उक्त बैंकलाई एक करोड ५० लाख रुपैंया सावा व्याज सहित बुझाउने शर्त थियो । पटक पटक गरी झण्डै एक करोड रुपैंया व्याज मात्रै बुझाए । जब माओवादी शान्ती प्रक्रियामा आउदा घरजग्गा कारोबार ह्वात्तै चुलियो । अनुत्पादक क्षेत्रमा लगानी बढेसँगै तत्कालीन गभर्नर युवराज खतिवडाले यसमा कडाई गरेपछि व्यवसायमा मन्दी आँउदै गयो । दुईतिरको धारमा पुगे म ।बैंकले दिन प्रतिदिन च्याप्न थाल्यो । कबोल गरे अनुसारको रकम बुझाउन नसकेपछि बैंकले जग्गा लिलामी गर्यो । खाएको विषसम्म त ठीकै थियो । जीवनमा नखाएको नखाएको विष लाग्यो । यो बीचमा शिखर फाइनान्स काष्ठमाण्डप बैंकमा मर्ज भइसकेको थियो । मैले काठमाडौं जिल्ला अदालतमा मुद्धा हाले । र सो मुद्धामा पुनरावेदन अदालत पाटनले हामी दुबै बीच मिलापत्र गरायो ७३ साल असोज ११ गते बैंकसँग मिलापत्र भयो । मेरो दुख पसिना आर्जेर कमाएको सम्पत्ति पुन मेरै मेरै नाममा फिर्ता आयो । तावाबाट उम्किएको माछो भुग्रोमा भनेझैं नियति भयो फेरि । एउटाका जालझेलका कारण म वार्वद भएर सिद्धिएको थिए । त्यही बीचमा भेटिए जय अम्बे बचत तथा ऋण सहकारी संस्थाका सञ्चालक भेटिए शैलेन्द्र कुमार श्रेष्ठ । उनले मेरो पीडा बुझे । यसरी नम्र रुप्मा प्रस्तुत भए कि आफैं सो सहकारी संस्थाको सञ्चालक रहेकोले जग्गा धितोमा राखेर २ करोड रुपैंया ऋण लिन आफूहरु तत्पर रहेको बताए । आर्थिक रुपमा जर्जर भइसकेको थियो मेरा अवस्था । उनको कुरा ठीक लाग्यो अरु मुद्धा मामिला पर्ला,यो जग्गा नविन बस्नेतको नाममा नामसारी भयो । मान्छेहरु बीचमा सम्बन्ध विश्वाशमा अडिएको हुन्छ । त्यही विश्वाशको जगमा जग्गा उनको नाममा नामसारी गरेको थिए । कागज पनि बनेन । वैंकसँग १ करोड ५० लाखमा काष्ठमाण्डप बैंकसँग ७३ असोज १० गते मिलपात्र भयो । मैले आफैं १५ लाख तिरे र एक करोड ३५ लाख शैलेन्द्र कुमार श्रेष्ठको नामबाट जम्मा भयो । १० गते मिलापत्र सोही दिन म चितवन गए । त्यस्को भोलीपल्टै ११ गते बैंकको नामबाट सो जग्गा मेरो नाममा आयो । सो जग्गा सोही दिनको भोलीपल्ट नविन बस्नेतको नाममा कर्जा दिए वापत धितोको रुपमा नामसारी भयो । उनीहरुले जग्गा नामसारी गर्दा भनेका थिए ‘तपाईको जग्गा कहाँ जाने होइन ,रोक्का राख्दा मुद्धा मामिला पर्ला हामीसँग राख्दा सुरक्षित हुन्छ । तपाईले बेच्ने नै हो ।’ १ करोड ३९ लाख उनले त्यहाँ हाले । यसरी नविन बस्नेतहरुको जालझेलमा परी मेरो विल्लीवाठ भयो । त्यहाँका कर्जा विभागका प्रमुख शैलेन्द्र कुमार श्रेष्ठहरुकै मिलेमतोमा फसाइयो । यो बीचमा मेरा छोरा चिरञ्जिवीले सहकारीका सञ्चालकहरु नविन बस्नेत र शैलेन्द्र कुमार श्रेष्ठसँग जग्गाको लागत मूलय तिर्न तयार रहँद समेत उनले जग्गा फिर्ता दिनुको सट्टा उल्टै धम्काउने थर्काउने गर्दछन । उनी ५ करोड रुपैंया दिइस भने जग्गा फिर्ता गर्छु होइन भने फोन सम्र्पक नगर भनेर धम्काउने गरेका छन । यो मुद्धा अदालतमा बिचाराधिन छ । तारेख बुझ्न जाँदा समेत उल्टै तारेख लिन किन आइस भन्दै उनलाई धम्काउने गरेका छन । बिगत तीन वर्ष देखि यही मुद्धा लड्दै छु । यो मुद्धा अहिले अदालतमा चलिरहेको छ । जग्गा फिर्ता माग्दा उल्टै डनहरुको नाममा विक्री भइसकेको भने । त्यही सहकारीको कारण विशेष गरेर शैलेन्द्र कुमार श्रेष्ठहरुको योजनावद्ध हमलाको शिकार भए म । लुटिए,सकिए वर्वाद भए । जीवनभरको कमाइ क्षणभरमा माटो भयो । यसरी शैलेन्द्र सहकारीका आडमा म जस्ता धेरैलाई ढगेका छन । विल्लीवाठ बनाएका छन । अझैं पनि आशा मरेको छैन । यही २४ गते जग्गा फुकुवा सम्बन्धि सुनुवाई हुँदैछ ।आशा एवं विश्वाश छ नेपालमा अझैं न्याय मरेको छैन । हिजोको दिन सम्झदा भतभती छात्ती पोल्छ । पीडा हुन्छ । कहाँको चितवनमा गनिएको करोडपति म सोही सहकारी र वदमास शैलेन्द्रका कारण आज सडकमा आइपुगेको छु ।अरुका घरमा भाडामा बस्ने अवस्थामा आइपुगेको छु । मेरो सोझो सिधापनाको फाइदा उठाएर मेरो र परिवारको बिल्लीवाठ पार्ने ठग सहकारी सञ्चालकहरुलाई कारवाही होस । यो बीचमा मैले भोगेको मानसिक र शारीरिक यातनाको क्षतीपुर्ती मैले कहाँबाट कसरी पाउने रु अहिले यही कारण मुटुको रोगी बन्न पुगेको छु । सो सहकारीका कारण म मात्र होइन धेरै उद्यमी व्यवसायी यसैगरी लुटिएका छन । तीनको खुसी खोसिएको छ । यस्ता फटाहा सहकारी सञ्चालकलाई यथाशीघ्र कानुनी कठघारामा उभ्याइयोस । जय अम्बे सहकारी पीडित टंक प्रसाद खरेलसँग गरिएको कुराकानीको आधारमा