देउवा सरकारमा जान अनेक अस्त्र प्रयोग गरेका राष्ट्रिय प्रजातन्त्र पार्टीका अध्यक्ष कमल थापा देउवा-प्रचण्डले वास्ता नगरे पछी हेटौडा पुगेर बर्बराएका छन।
थापाले आफूलाई देउवा सरकारमा जान गरेको प्रलोभनको रहस्य समेत खोलेका छन् । राप्रपा मकवानपुरले बिहिवार हेटौंडामा आयोजना गरेको प्रशिक्षण भेलालाई सम्बोधन गर्दै उनले यस्तो रहस्य खोलेका हुन् ।
असोजमा निर्वाचन तोकिएको २ नम्बर प्रदेशको भ्रमण पछि गृहनगर हेटौंडा पुगेका थापाले राष्ट्रिय राजनितीमा चौथो शक्तिको रुपमा रहेको राप्रपामा सत्ता लिप्सा नभएको भन्दै देउवा सरकारमा पनि उपप्रधानमन्त्री सहित ४ मन्त्री दिने प्रस्ताव आएपनि नगएको सुझाए । उनले सरकारको नियत ठीक नभएको भन्दै मधेस समस्याको समाधान गर्न र राजपालाई चुनावमा सहभागी गराउन इमान्दारीका साथ काम नगरेको उनको भनाई थियो।
सरकार निर्माणबाट लम्पसारवादी नीतिमा चलिरहेको आरोप अध्यक्ष थापाको आरोप थियो । अहिलेको सरकार चरम सत्ता लिप्सामा फसेको र सरकार निर्माणको पहिलो महिना बाटै भ्रष्टाचारको चंगुलमा सरकार र सत्तासमझेदार दल फसेको उनको तर्क थियो । सरकारको अकरमन्यता, गलत नीति र सत्तालिप्साको कारणले गर्दा मुलुकमा ठुलो संवैधानिकता रिक्तता र राजनीतिक दुर्घटनाको संकेत देखिएको बताए । अन्तिम सम्म सरकारमा जान खुट्टा उचालेर बसेका उनले मन्त्रि परिषद विस्तार संगै सरकार लाइ दिएको समर्थन फिर्ता लिने घोषण गरेका थिए।
