सुराकी गर्ने प्रहरीनै सुन तस्करीमा, चिफसाबले किन कसेनन् पाता ?
सशस्त्रका सइ सञ्जीव मानन्धरलाइ गलत काममा लाग्ने व्यक्ति र निकायको सुराकी गर्न सशस्त्र प्रहरीले त्रिभुवन अन्तर्राष्ट्रिय विमानस्थलमा खटाएको थियो। तर तिनै मानन्धरनै गलत काममा लागेको फेला परेको छ। उनी सुन तस्करीमा मुछिएपछि सिंगो सशस्त्रभित्र हंगामा मच्चिएको छ ।
गएको सोमबार दुई किलो सुन तस्करीमा मानन्धर मुछिएका छन । यो घटना संगै सशस्त्रको सिंगो संयन्त्रमाथि नै प्रश्नचिन्ह खडा भएको छ ।
सइ मानन्धर समातिएपछि सशस्त्र प्रहरीभित्र आफूहरुको बदनाम हुने काम भएको भन्दै सशस्त्रका अधिकृतस्तरका प्रहरीहरु यस्तो कार्यलाई निरुत्साहित गर्नुपर्ने भन्दै फिल्डमा उत्रिएका छन् । र उनलाई उन्मुक्ती दिन नहुनेमा आवाज उठाएका छन।
सशस्त्रले यो घटनापछि विमानस्थलमा खटिएको पूरै टिमलाई नै हटाउन थालेको स्रोतले बताएको छ ।
सशस्त्र प्रहरी बल अन्तर्गतको सुरक्षा महाशाखाबाट सूचना संकलनका लागि विमानस्थलमा खटिएका सइ सञ्जीव मानन्धरको झन्डै आठ वर्षदेखि सरुवा भएको छैन । उनलाई संगठन प्रमुखको आशिर्बाद भएको बुझिएको छ।
लामो समयदेखि एकै व्यक्तिलाई विमानस्थलमा सुराकीका रूपमा राख्नु नै संगठनको लापरवाही भएको निष्कर्षमा सशस्त्र प्रहरीको उच्च निकाय पुगेको छ ।
यो महाशाखाका इन्चार्ज डीएसपी गोपी चन्द हुन् । महाशाखा प्रमुखमा एसएसपीको दरबन्दी रहे पनि पहुँचका आधारमा चन्दले जिम्मेवारी सम्हाल्दै आएको स्रोतको दाबी छ । एसएसपी हुनुपर्नेमा दुई तह कमको डीएसपी राखिनु पर्ने कारण के प र्यो यसको जवाफ अब सशस्त्र नेतृत्वले दिनुपर्ने चर्को दबाब बढेको छ ।