सरकारले ११ जना प्रहरी नायब महानिरीक्षक (डिआइजी)लाई प्रहरी अतिरिक्त महानिरीक्षक (एआइजी) मा बढुवा गरेको छ । आज बसेको मन्त्रिपरिषद बैठकले बढुवा समितिको सिफारिसअनुसार ११ जनालाई एआइजीमा बढुवा गरेको हो ।
बढुवा हुनेमा क्रमश बमबहादुर भण्डारी, जयबहादुर चन्द, देवेन्द्र सुवेदी, पशुपति उपाध्याय, केशरीराज घिमिरे, माधवप्रसाद जोशी, विजयलाल कायस्थ, कमलसिंह बम, मिङमार लामा, रणबहादुर चन्द र विजयकुमार भट्टलाई छन् ।
डीआईजी नवराज सिलवालको मुद्दा सर्वोच्च अदालतमा विचाराधीन रहेकाले उनलाई एआईजीमा बढुवाका लागि सिफारिस गरिएको थिएन । उनी एक नम्बर डीआईजी वरीयताका हुन् । तर उनी अब डीआईजी बाटै घर जाने छन। त्यस्तै सरकारले राष्ट्रिय योजना आयोगको उपाध्यक्षमा अर्थशास्त्री डा.स्वर्णिम वाग्लेलाई नियुक्त गरेको छ । आज बिहान बसेको मन्त्रिपरिषद् बैठकले वाग्लेलाई उपाध्यक्षमा नियुक्त गरेको हो । उनी २०४६ सालको एसएलसीका बोर्ड सेकेन्ड पनि हुन्
