देउवाले खाल्डा पुर्न दिएको १५ दिने म्याद सकियो,हिलोमा कलोपत्रॆ हालेर कस्ले दारु पियो?

प्रधानमन्त्रीले साउने संक्रान्तिका दिन काठमाडौँका खाल्डा पुर्न १५ दिने उर्दी जारी गरेका थिए।आज १५ दिन बितिसकेको छ र खाल्डा कम मात्र पुरिएका छन।राजधानीको सामाखुसीमा सडकको ढलमा स्कुले बालिका डुबेको भिडियो भाइरल भएपछि र एक बालिकाको निधन भएपछि प्रधानमन्त्रीमाथि अत्याधिक दबाब आएको थियो । सोही दबाबको प्रतिक्रियास्वरुप प्रधानमन्त्रीले यस्तो निर्देशन दिएका थिए ।

प्रधानमन्त्रीको निर्देशनसँगै सम्बन्धित विभागीय सचिवहरुको सडक मर्मतको काममा चासो बढ्यो । चासो बढ्नु स्वभाविकै थियो, किनकि प्रधानमन्त्रीले तीन विभागीय सचिवहरुलाई एकैपटक सडकका खाल्डा पुर्न समयसीमा तोकेरै निर्देशन दिएका थिए । प्रधानमन्त्रीको आदेशको शीरोधार्य गरेर काम अघि बढाएका सचिवहरुले पनि आफू मातहतका निकायको भर परेनन् । मध्यरातमा सडकको अनुगमन गर्न आफैं निस्किए । सिंगो राज्य संयन्त्र नै हल्लाउने गरी आएको दबाब थेग्न अरुको भर परेर बस्ने स्थिति पनि थिएन । जसका कारण सचिवहरुकै प्रत्यक्ष निगरानीमा सडक मर्मतको काम सुरु भयो ।

साना तिना खाल्डा पुर्ने बाहेकका केहि काम भएकै छैन। चाबहिल लगायतका स्थानका बाट खोला बनेका छन,कहाँ कति खाल्डा पुरिए भन्ने भन्न सकिएला तर कहाँ कहाँ बाटो खराब छ भन्ने भनिसाध्य छैन । प्रधानमन्त्रीको उर्दी हावामा उडेको राजधानीका बाट घाटा हिडे मात्र थाहा हुन्छ। कति पय ठाउँमा त दह माथी कलोपत्रॆ समेत गरिएको छ। केहि ठाउका खाल्डा पुरेर दह माथी कलोपत्रॆ हाल्ने काम गरि एक साता अघी भौतिक मन्त्रालयका कर्मचारी नगरकोट पुगेर दारु खाएको चर्चाले मन्त्रालय अचेल थलिएको छ।