चार बैंकको सेयर नेप्सेमा सूचिकृत

हाम्रो इकोनोमि

बुधबार नेपाल स्टक एक्सचेञ्जमा विभिन्न चार कम्पनीको ९८ लाख ७९ हजार चार सय ५१ दशमलव ९९ कित्ता सेयर सूचीकृत भएको छ ।

ग्लोबल आइएमई बैंकको ८३ लाख ७६ हजार आठ सय दुई दशमलव २९ कित्ता सेयर सूचीकृत भएको छ । बैंकको रिलायबल डेभलपमेन्ट बैंकलाई एक्वाएर गरेपछिको सेयर नेप्सेमा सूचीकृत भएको हो ।

त्यस्तै, भार्गव विकास बैंकको दुई लाख ४० हजार कित्ता बोनस सेयर र महाकाली विकास बैंकको एक लाख ३७ हजार छ सय ६२ दशमलव दुई कित्ता बोनस सेयर नेप्सेमा सूचीकृत भएका छन् । त्यस्तै कसमस डेभपलमेन्टलाई एक्वाएर गरेपछिको सांग्रिला डेभलपमेन्टको ११ लाख २४ हजार नौ सय ८७ दशमलव पाँच कित्ता सेयर पनि नेप्सेमा सूचिकृत भएको छ । आगामी सातादेखि यी सेयरको कारोबार सुरु हुनेछ ।