७ अंकले बढ्यो नेप्से, झण्डै एक अर्वको कारोबार
मंगलबार नेप्से परिसूचक ७.११ अंकले वृद्धि भई १६३६.१९ विन्दूमा पुुगेको छ । १५६ कम्पनीको ९४ करोड ८५ लाख रुपैयाँभन्दा धेरैको सेयर किनबेच भएको छ । कुल १३ लाख ७१ हजार ११० कित्ता सेयर किनबेच भएका छन् ।
बैकिङ समूह ०.४ अंकले मात्र घट्यो । यस्तै, अन्य समूह ३.१८ अंकले ओरालो लाग्यो । बाँकी सबै समूहको सूचक हराभरा बने । सबैभन्दा धेरै उत्पादनमूलक समूहको सूचक ७९.८५ अंक(३.२२ प्रतिशत)ले वृद्धि भयो । यस्तै, बिमा समूह १५७.३२ अंकले बढ्यो भने विकास बैंक ६.४८, जलविद्युत १८.०३, बित्त समूह ६.९६, होटल समूह ८.३९ र ट्रेडिङ समूह १.३५ अंकले वृद्धि भए ।
‘क’ वर्गका कम्पनीहरुको कारोबारमा सामान्य सुधार आउँदा सेन्सेटिभ इण्डेक्स ०.१७ अंकले बढ्यो भने समग्र कारोबारमा समेत सुधार हुुँदा फ्लोट इण्डेक्समा ०.३ अंकले वृद्धि भयो ।
कारोबार रकममा राष्ट्रिय बिमा कम्पनीको संस्थापक सेयरले अग्रता लिएको छ । यस कम्पनीको १० करोड रुपैयाँभन्दा धेरैको सेयर किनबेच भएको हो । यसैगरी, कारोबार रकमकै आधारमा दोस्रो र तेस्रो स्थानमा क्रमशः प्रभु इन्सुरेन्स र नेपाल इन्सुरेन्स परेका छन् ।
यो दिन सिनर्जी पावर डेभलपमेन्ट लिमीटेडले सबैभन्दा धेरै गुमायो । यो कम्पनीको सेयर मूल्यमा ४ प्रतिशतले गिरावट आयो ।
