प्रधानमन्त्री देउवामाथि एमाले सचिव ज्ञवाली किन खनिए ?
प्रधानमन्त्री एवं नेपाली कांग्रेसका सभापति शेरबहादुर देउवामाथि उनकै गृह जिल्ला पुगेर नेकपा एमाले सचिव प्रदिप ज्ञवाली खनिएका छन् । उनले दोस्रो चरणको स्थानीय तहको निर्वाचनमा प्रधानमन्त्री देउवाले सत्ताको चरम दुरुपयोग गरेको आरोप लगाएका हुन् ।
प्रेस चौतारी नेपाल डडेल्धुरा शाखाले बुधबार जिल्ला सदरमुकाममा आयोजना गरेको पत्रकार सम्मेलनमा उनले यस्तो आरोप लगाएका हुन् । प्रधानमन्त्री देउवाले निर्वाचनको समयमा निर्वाचन आचार संहिताका न्युनतम मर्यादाको समेत उल्लङ्घन गरेको भन्दै प्रधानमन्त्री देउवा स्वयंमले चुनावको कमाण्ड समालेर हप्तौँसम्म गृह जिल्ला बसेको आरोप लगाएका हुन् ।
उनले डडेल्धुरामा कांग्रेसले उम्मेदवारी दिए मात्रै पुग्छ प्रचार नै गर्नु पर्दैन र एमाले त नगन्य शक्ती हो भन्ने भ्रम आफूहरुले तोडेको दावी गरे ।
