एमालेको स्थायी समिती बैठकमा ओलीले केक काटे, बालकोटमा एमालेजनले बिजयको खुशी यसरी साटे

हरेक वर्ष झैँ यस वर्ष पनि आज साउन १ गतेलाई कर्कट संक्रान्ति (साउने संक्रान्ति) का रुपमा मनाइँदैछ । तर एमाले अध्यक्ष केपी ओलीको निवास बालकोटमा साउने संक्रान्ति सहितको गजबको खुसियाली मनाईएको छ।
एमालेका नेताहरुले अध्यक्ष केपी शर्मा ओलीको निवास बालकोटमा त्यसरी फरक प्रकारले खुसियाली साटासाट गरेका छन् । सरकारी पक्षपात, सत्ताधारी गठबन्धन र देशी–विदेशी हर्कतका बावजुद दुबै चरणका स्थानीय निर्वाचनमा एमाले पहिलो भएपछि नेताहरुले केक काटेर उधुम पाराले खुसियाली साटेका हुन्।

यसै बीच नेकपा एमाले स्थायी समितिको बैठक पनि अहिले ओली निवासमै बसिरहेको छ । बैठकमा चुनावी समिक्षा, प्रदेश नम्बर २ मा हुने चुनाव र संविधान संसोधनका विषयमा छलफल भैरहेको छ । बैठकमा मधेसमा एमालेप्रतिको भ्रम चिर्न कसरी अगाडी बढ्ने भन्नेमा छलफल हुने एमाले कार्यालयका सचिव कृष्णगोापाल श्रेष्ठले जानकारी दिनुभयो । उहाँका अनुसार राजपा नेपालसँग छलफल गरेर संविधान संसोधनका विषयमा पनि कुराकानी अगाडी बढाउनेमा छलफल हुनेछ ।