आगामी शनिवार सबै बैंक खोल्न राष्ट्रबैंकको निर्देशन
काठमाण्डौ । आगामी शनिवार असार ३१ गते सरकारी कारोबार गर्ने सबै बैंक तथा बित्तीय संस्थाहरुलाई पूरै दिन बैंक खोल्न नेपाल राष्ट्रबैंकले निर्देशन दिएको छ ।
बैंकहरुको नाममा एक निर्देशन जारी गर्दै केन्द्रीय बैंकले आगामी शनिवार चालुु आर्थिक वर्षको अन्तिम दिन भएको र सो दिन चालुु आबको हिसाब मिलान गर्ने प्रयोजनका लागि आइपिएसमार्फत भुक्तानी गर्ने व्यवस्था मिलाउन निर्देशन दिएको छ । राजश्व दाखिलाका लागि सहजतापूर्वक काम होस् भन्ने उद्येश्यले यसो गरिएको हो ।
