बुद्धशान्ति गापामा अध्यक्ष काँग्रेस र उपाध्यक्षमा एमाले
काँकडभिट्टा (झापा) । बुद्धशान्ति गाउँपालिका अध्यक्षमा नेपाली काँग्रेसका रमेश भुजेल सात हजार ९९६ मत प्राप्त गरी विजयी हुनुभएको छ ।
उहाँका निकटतम प्रतिद्वन्द्वी नेकपा (एमाले)का चिन्तन पाठकले सात हजार ३५३ मत प्राप्त गर्नुभएको छ । उपाध्यक्षमा भने एमालेकी मीरा भुर्तेल सात हजार ४५७ मत प्राप्त गरी विजयी हुनुभएको छ । उहाँका निकटतम प्रतिद्वन्द्वी काँग्रेसकी चन्द्रकला भट्टराईले छ हजार ८०४ मत प्राप्त गर्नुभएको छ ।
