दङ्गीशरण गाउँपालिकाको अध्यक्षमा एमाले र उपाध्यक्षमा काङ्ग्रेस विजयी
दाङ । दाङको दङ्गीशरण गाउँपालिकाको अध्यक्षमा नेकपा (एमाले) र उपाध्यक्षमा नेपाली काङ्ग्रेस विजयी भएको छ ।
गाउँपालिकामा एमालेका भागीराम चौधरी तीन हजार १६१ मत प्राप्त गरी विजयी हुनुभएको छ भने उहाँका निकटतम प्रतिद्वन्द्वी नेपाली काँग्रेसका यज्ञनारायण आचार्यले दुई हजार ८४१ मत प्राप्त गर्नुभएको छ ।
उपाध्यक्षमा काँग्रेसका पिमा वली दुई हजार ९६७ मत प्राप्त गरी विजयी हुनुभएको छ । उहाँका निकटतम प्रतिद्वन्द्वी एमालेका सीमा न्यौपानेले दुई हजार ९४१ मत प्राप्त गर्नुभएको छ ।
