लिलाम बडाबढमा गाई बेच्दै देउवा सरकार
काठमाडौँ । राष्ट्रिय जनावर गाई लाइ लिलामी बिक्रीका लागी राष्ट्रिय पशु विज्ञान अनुसन्धान प्रतिष्ठान अन्तर्गतको पशु प्रजनन महाशाखाले सूचना प्रकाशित गरेको छ । जेठ २५ गते दैनिक पत्रिकामा सूचना प्रकाशित गरी महाशाखाले १२ वटा गाई लिलाम बडाबढमा बेच्ने तयारी थालेको हो ।
अनुसन्धानका लागी पालिएका गाई प्रजनन अयोग्य, बुढी र अनुत्पादक भएको कारण देखाउदै गाई बिक्री गरिन लागेको हो । महाशाखाले बोलकबोलको माध्यमबाट लिलाम बडाबढमा बिक्री गरी हाटाउनु पर्ने भएकोले उक्त गाईहरु लिन चाहनेले भाग लिन आउनु हुन भन्ने व्यहोराको सूचना छापेको हो । गाई लिलामीका लागी असार ९ गते ११ बजे देखी ३ बजे सम्मलाई सुचनामा उल्लेख गरिएको छ । पशु प्रजनन महाशाखा खुमलटार ललितपुरमा हुने लिलाम बडाबढमा सहभागी हुन महाशाखाले ०१-५५२३१६० मा सम्पर्क राख्न अनुरोध गरेको छ ।
यता पशु अधिकारकर्मी हरु यही बिषयलाई लिएर आन्दोलित हुने भएका छन् । प्रतिष्ठानले के प्रयाेजनका लागि गाई लिलाम गर्दैछ ? लिलाम भएका गाईको जीवनरक्षाकाे जिम्मेवारी कस्काे ? गाई लिलाम गरेर हत्या गर भन्ने उद्देश्यले विज्ञापन गर्न नेपालका सरकारी निकायले मिल्छ ? यस्ता बिषयलाई आन्दोलनमा होमिने पशु अधिकारकर्मीहरुको भनाइ छ ।
