मनाङ एयरको हेलिकप्टर दुर्घटना
रसुवा । गोसाइँकुण्डका लागि यात्रु लिई काठमाडौँबाट उडेको मनाङ एयरको हेलिकप्टर अवतरणको क्रममा क्षतिग्रस्त भएको छ ।
छ यात्रु बोकेर उडेको हेलिकप्टरको तेलरोटर (पुच्छरको भाग) गोसाइँकुण्डको हेलिप्याडमा अवतरण गर्ने क्रममा ठोक्किँदा सामान्य क्षति भएको मनाङ एयरले जनाएको छ । हेलिकप्टरका यात्रु र चालक सकुशल छन् ।
हेलिकप्टर मर्मत गरी काठमाडौँ लैजान र गएका यात्रु फिर्ता लैजान प्राविधिक टोलीसहित दुई वटा हेलिकप्टर काठमाडौँबाट गोसाइँकुण्ड पठाइएको छ । क्षतिको थप विवरण आउन बाँकी छ ।
