प्रधानन्यायाधीसका लागी पराजुली सिफारिस

आज बसेको संवैधानिक परिषदको बैठकले सर्वोच्च अदालतको प्रधानन्यायाधीस पदमा कायम मुकायम प्रधानन्यायाधीस गोपलाप्रसाद पराजुलीको नाम सिफारिस भएको छ। न्यायपरिषदबाट सिफारिस भएर आएका ६ जना वरिष्ठ न्यायाधीसमध्येबाट वरिष्ठताका आधारमा पराजुलीलाई नियुक्तिको सिफारिस गर्ने निर्णय भएको हो।

प्रधानमन्त्री शेरबहादुर देउवाको अध्यक्षतामा बसेको संवैधानिक परिषदको बैठकले पराजुलीलाई प्रधानन्यायाधीसमा नियुक्तिका लागि संविधान अनुसार संसदीय सुनुवाई गर्न संसद सचिवालयमा पत्र पठाउने निर्णय भएको हो।जेष्ठ २४ गते तत्कालिन प्रधानन्यायाधीस सुशीला कार्कीले अनिवार्य अवकास लिएपछि पराजुली कामु प्रधानन्यायाधीसमा कार्यरत रहेको थिए।
संविधानको व्यवस्था बमोजिम संसदीय सुनुवाई समितिले सुनुवाई गरेर अनुमोदन गरेपछि पराजुलीलाई राष्ट्रपतिले मुलुकको नयाँ प्रधानन्यायाधीसमा नियुक्त गर्ने व्यवस्था रहेको छ।