काठमाडौँ । प्रधानमन्त्री शेरबहादुर देउवासँग नेपालका लागि भारतीय राजदूत मञ्जिवसिंह पुरी र चिनियाँ राजदूत यु होङले आज छुट्टाछुट्टै भेटवार्ता गरेका छन् । सरकारले २ नम्बर प्रदेशको चुनाब सार्ने निर्णय गरको भोलि पल्टै दुवै देशका राजदुतले प्रधानमन्त्रीलाइ भेटे पछि कुटनीति वृतमा चासो छाएको छ।
प्रधानमन्त्री तथा मन्त्रिपरिषद्को कार्यालय, सिंहदरबारमा भएको सो भेटमा प्रधानमन्त्री देउवा र राजदूत पुरीबीच आपसी हित र द्विपक्षीय सम्बन्धलाई थप प्रगाढ बनाउनेबारे कुराकानी भएको छ । साथै चुनाबको मिति सारिनु र राजपाले थप आन्दोलन चर्काउने कुरा गरेका बिषयमा पनि छलफल भएको श्रोतको भनाइ छ। त्यसैगरी चिनियाँ राजदूत होङसँग पनि दुई देशबीचको सम्बन्धलाई आगामी दिनमा थप सशक्त बनाउने र आपसी सहयोगबारे कुराकानी भएको प्रधानमन्त्रीको कार्यालय, सिंहदरबारले जनाएको छ ।
देउवा प्रधानमन्त्रीमा निर्वाचित भएपछि दुवै राजदूतको यो पहिलो भेट हो। २ नम्बर प्रदेशको मात्र चुनाबको मिति सारिनाले समस्या निम्तन सक्नेमा चिनियाँ राजदूत यु होङले चिन्ता ब्यक्त गरेका थिए। उता आजै राजपाका नेता राजकिशोर यादवले जनकपुर पुगेर मधेशलाइ अलग्याउने षडयन्त्र स्वरुप चुनाबको मिती सारिएको बताएका छन्।
