पूर्व अर्थमन्त्री महत पनि तानिदै,चुडामणिका मतियारले देश छाडे

काठमाडौँ/ कर फछर्याेट आयोगका अध्यक्ष लुमध्वज महत र सदस्य उमेश ढकालले देश छाडेका छन् ।आन्तरिक राजश्व विभागका महानिर्देशक चुडामणि शर्मा भ्रष्टाचारको आरोपमा पक्राउ परे पछी आतिएका दुवै शर्मा समतिदा नेपालमै थिए।

अख्तियारले महत र ढकाललाई पनि बयानका लागि पत्र काटेको छ ।शर्मा पक्राउ परेलगतै उनी दुई जनाले देश छाडेको भरपर्दो श्रॊतको दावी छ।उनीहरुलाई अख्तियारले तीन दिनभित्र बयानका लागि बोलाएको छ । विदेशमा रहेका महत र ढकालका परिवारले अख्तियारको पत्र बुझेका छन् । तर दुवै जना भने विदेशमा रहेका छन् । पक्राउ परेका शर्माले आफ्नो बयानमा उनीहरुको पनि नाम लिन सक्ने आशंका बढेपछि देश छाडेको स्रोतले बताएको छ ।

शर्माले अख्तियारको टोली समक्ष दुबैजनाको नाम लिएको र उनीहरुकै सहयोगमा सबै काम गरेको बताएको अख्तियारको उच्च श्रोतले बतायो । श्रोतका अनुसार यो केशमा पूर्व अर्थमन्त्री राम शरण महत पनि तानिदै छन्।