४० करोड खायो भिबोर सोसाईटी डेभलप्मेन्ट बैंकले
काठमाडौँ । पाँच वर्षअघि बैंकमा निक्षेप जम्मा गरेका सर्वसाधारणको लगभग एक अर्ब रुपैँया भिबोर सोसाईटी बैंकले फिर्ता नगरेपछि अहिले पिडतहरुले आन्दोलन शुरु गरेका छन् ।
पुनरावेदन अदालतले जनताको निक्षेप फिर्ता दिनु भन्ने फैसला गरेपछि ६० प्रतिशत रकम फिर्ता पाएका थिए भने ४० प्रतिशत रकम निक्षेपकर्ताले अझै पाएका छैनन् । प्रमुख कार्यकारी अधिकृत झलक प्रसाद खनाल रहेको उक्त बैंकको सञ्चालक समितिको अध्यक्षमा सुशिलराज पराजुली छन् ।
सञ्चालक समितिमा राजेश अग्रवाल, प्रेम तिवारी, अशोक पाण्डे र रुपज्योती रहेका छन् ।पिडित संघका अध्यक्ष ज्ञानेन्द्र केसीका अनुसार प्रमुख कार्यकारी अधिकृत र अन्य सञ्चालक समितिका सदस्यले रकम फिर्ता गर्न माने पनि सञ्चालक रुपज्योति भने रकम फिर्ता गर्न हुन्न भन्ने पक्षमा छन् । १०० जना जति पिडित जम्मा भई भिबोर सोसाईटी डेभलप्मेन्ट बैंक चारखालमा नारा जुलुस गरेका थिए । भोली १२ बजे पाँच सय भन्दा बढी संख्यामा पिडितहरु उपस्थित भई बैैंक घेराउ कार्यक्रम रहेको र त्यसपछि पत्रकार सम्मेलन गर्ने पिडित संघका अध्यक्ष केसीले जानकारी दिएका छन् ।
