फाइनल खेल हेर्न प्रधानमन्त्री ओली रंगशाला जाने

 

 

प्रधानमन्त्री केपी शर्मा ओली आज हुने साफ महिला च्याम्पियनसिपको फाइनल खेल हेर्न दशरथ रंगशाला जाने भएका छन् ।  साफ महिला च्याम्पियनसिपको उपाधिका लागि आज घरेलु टोली नेपाल र बंगलादेशबीच प्रतिस्पर्धा हुँदैछ । दशरथ रंगशालामा आज साँझ साढे ६ बजेदेखि सुरु हुने फाइनल खेल अवलोकन गर्न र पुरस्कार वितरण गर्न प्रधानमन्त्री ओली जाने कार्यक्रम तय भएको प्रधानमन्त्रीको सचिवालयले जनाएको छ ।