लायन्स र लियो क्लबको भूतखेलमा स्वास्थ्य शिविर
काठमाण्डौंको भूतखेलमा आज शनिबार एक सय बीस जनाको निःशुल्क स्वास्थ्य परीक्षण सम्पन्न भएको छ । भूतखेल जुम्बा योग परिवारको संयोजन तथा लायन्स क्लब अफ काठमाण्डौं नेपालय र लियो क्लब अफ काठमाण्डौं नेपालयको संयुक्त आयोजनामा टोखा नगरपालिका वडा नम्बर ३ भूतखेलमा मधुमेह र रक्तचाप परीक्षण गरिएको हो । परीक्षण कार्यक्रमलाई हिलिङ काठमाडौँ एण्ड डाइग्नो टेक सपोर्ट प्रा.लि. ले सहयोग गरेको थियो । कार्यक्रममा आयोजक लायन्स क्लब अफ काठमाण्डौं नेपालयका अध्यक्ष सपना पौड्याल र सचिव तथा जुम्बा परिवारको संयोजक समाजसेवी भुवन श्रेष्ठले आगामी दिनमा पनि निःशुल्क मासिक स्वास्थ्य परीक्षण तथा वातावरण सचेतना कार्यक्रम गरिने बताउनुभयो । कार्यक्रममा क्लबका रिजनल चेयरपर्सन उपेन्द्र कुमार पौडेल, जोन चेयरपर्सन सहर्ष पौडेल, लियो गभर्नर अभय थापा, क्लबका पिभिएसटी टिम र सदस्यको साथै भुतखेल जुम्बा योग परिवारका संयोजकहरू गुरू अंकिता सिलवाल खनाल, लाल बहादुर रायमाझी, भुवन श्रेष्ठ, दिपीका सिटौला र दिनेश प्रसाद सिटौलाका साथै सदस्यहरु तथा टोखाका स्थानीय वासिन्दा, समाजसेवी बुद्ध श्रेष्ठ र बुद्धिजीविहरुको पनि उपस्थिति थियो ।
