राजनीतिक स्थायित्वका लागि संविधान संशोधन : महासचिव पोखरेल
नेकपा एमालेका महासचिव शंकर पोखरेलले केपी शर्मा ओली नेतृत्वको राष्ट्रिय सरकारमा अन्य दललाई पनि समावेश गर्ने बताएका छन् । कांग्रेस र एमालेबीच सहमति प्रक्रियामा शुरुदेखि काम गरेका महासचिव पोखरेलले राजनीतिक स्थायित्वका लागि संविधान संशोधन गर्ने समेत खुलाएका छन् । महासचिव पोखरेलले सामाजिक संजालबाट सहमतिको बारेमा जानकारी दिँदै यस प्रक्रियामा सहमत हुने दलहरुलाई राष्ट्रिय सरकारमा समावेश गर्ने बताएका हुन् । पोखरेलले भनेका छन्–राजनीतिक स्थायित्वका लागि संविधानमा आवश्यक संशोधन गर्ने र तदनुरुपका कानून समेत निर्माणगर्ने गरी केपीशर्मा ओलीको नेतृत्वमा राष्ट्रिय सहमतिको सरकार बनाउन नेकपा एमाले र नेपाली कांग्रेसका बीचमा समझदारी । यस प्रकृयामा सहमत दलहरुलाई राष्ट्रिय सरकारमा समावेश गरिने ।
