प्रचण्ड-ओली र नेपालबीच सिंहदरबारमा भेटवार्ता

 

 

विपक्षी गठबन्धनमा नेकपा एकीकृत समाजवादीका अध्यक्ष माधव नेपाल सहभागी भएपछि प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीले छलफल गरेका छन् । सिंहदरबारस्थित प्रधानमन्त्री तथा मन्त्रिपरिषद्को कार्यालयमा प्रचण्ड र ओलीले छलफल गरेका हुन् । छलफलपछि बाहिरिने क्रममा एमालेका अध्यक्ष ओलीले समसामयिक परिस्थितिको बारेमा छलफल भएको बताए । अध्यक्ष नेपाल बुधवार बेलुका कांग्रेस सभापति शेरबहादुर देउवा निवासमा भएको विपक्ष मोर्चाको बैठकमा सहभागी भएका थिए । नेपाल विपक्षी मोर्चाको बैठकमा सहभागी भएपछि सत्ता समीकरणमा असन्तुष्ट बढेको छ। पछिल्लो समय माधव नेपाल दोहोरो रणनीतिका साथ अघि बढेपछि एमालेले सन्तुष्ट छैन । नेकपा एसले एमाले-माओवादीसहितको गठबन्धन छाडे पनि अहिले सत्ताको गणितमा फेरबदल हुन सक्ने अवस्था छैन । केही प्रदेश सरकारमा भने माधवको पार्टी निर्णायक छ ।