एकपछि अर्को माग थप्दै कांग्रेसले बाधा पुर्यायाे : कानूनमन्त्री गिरी
कानूनमन्त्री पदन गिरीले प्रमुख प्रतिपक्ष दल नेपाली कांग्रेसले आज गरेको निर्णय त्रुटिपूर्ण रहेको दाबी गरेका छन् । प्रतिनिधिसभाको बैठकपछि सञ्चारकर्मीसँग कुरा गर्दै उनले कांग्रेसले सदन चलाउन सहयोग नगरेको आरोप लगाए । उनले भने, ‘संसदीय समिति बनाउने कुरामा सत्तापक्ष तयार भयो । त्यसपछि कांग्रेसले सहज ढंगले सदन खुलाउन सहयोग गर्नुपर्छ कि पर्दैन ? सरकारले विश्वासको मत लिने संवैधानिक बाध्यता छ त्यो राख्न पनि नपाउने ? उनले कांग्रेसले एकपछि अर्को माग थप्दै संसदीय गतिविधिमा बाधा पुर्याएको बताए । कांग्रेस गैरसंसदीय र अलोकतान्त्रिक ढंगबाट प्रस्तुत भएको दाबी गरे ।
