एमाले बाँकेको अध्यक्षमा निरक गुरुङ निर्वाचित
नेकपा एमाले बाँकेको नवौं जिल्ला अधिवेशनबाट निरक गुरुङ अध्यक्ष पदमा निर्वाचित भएका छन् । आज बिहान सम्पन्न मतगणनाबाट गुरुङ प्रतिद्वन्द्वी डिल्ली बीसीलाई पराजित गर्दै अध्यक्ष पदमा निर्वाचित भएका हुन् । गुरुङले २७३ मत प्राप्त गर्दा बीसीले १४६ मत मात्र प्राप्त गर्न सकेका छन् । निर्वाचनबाट उपाध्यक्षमा रत्न खत्री विजयी भएका छन् । प्रदेश सरकारका सामाजिक विकास मन्त्रीसमेत रहेका खत्रीले २९२ मत पाएका छन् । उनीसँग चुनाव लडेका युवा उम्मेदवार रवीन्द्र लम्सालले १३४ मत पाएका छन् ।त्यसैगरी सचिव पदमा बलराम भट्टराई १३६ मतका साथ बिजयी हुँदा खिल प्रसाद भुसालले १०० मत, भिम वलीले ८९ मत र दत्त आचार्यले ८३ मत पाएका छन् । उपसचिव महिलामा निर्मला सुनार बिजयी भएकी छन् भने पुरुषमा किशोर थापा बिजयी भएका छन् ।
