बिस्वासको मत जति पटक लिनु परे नि ढुक्क छु -प्रधानमन्त्री प्रचण्ड
- प्रधानमन्त्री पुष्पकमल दाहालले चौथो पटक पनि विश्वासको मत पाउनेमा आफू ढुक्क रहेको बताएका छन्। शनिबार पार्टी केन्द्रीय कार्यालय पेरिसडाँडामा आयोजित कार्यक्रममा बोल्दै प्रधानमन्त्री दाहालले जेठ ७ गते विश्वासको मत लिन लागेको र विश्वास मत पाउनेमा ढुक्क रहेको बताएका हुन्। मैले जति पटक लिनुपरे पनि विश्वासको मत प्राप्त हुन्छ भन्ने कुरामा म विश्वस्त छु। धेरै टेन्सन लिनुपर्दैन। कहिले अलि बढ्छ, कहिले अलि घट्छ, घटबढ त भइराख्छ, तर विश्वासको मत प्राप्त हुन्छ,’ प्रधानमन्त्रीले भने। ‘एक पटक त झन्डै शतप्रतिशत विश्वासको मत प्राप्त भयो र यो पटक पनि विश्वासको मत प्राप्त हुन्छ। म कुनै टेन्सनमा छैन, तपाईंहरु दुबिधामा नपर्नुस्,’ उनले भने। यस्तै, उनले पार्टीका नेताहरूलाई पनि दुबिधामा नपर्न आग्रह गरे।
