संसदीय छानबिन समिति गठन गर्न प्रधानमन्त्री सकारात्मकः कांग्रेस
सहकारीको बचत रकम हिनामिना सन्दर्भमा संसदीय छानबिन समिति बनाउन प्रधानमन्त्री पुष्पकमल दाहालले सकारात्मक प्रतिक्रिया दिएको नेपाली कांग्रेसले जनाएको छ। संसद्मा जारी गतिरोध अन्त्य गर्न प्रधानमन्त्री दाहालले आइतबार बिहान कांग्रेस सभापति शेरबहादुर देउवासहितको प्रतिनिधिमण्डलसँग संवाद गरेका थिए। प्रधानमन्त्री निवास बालुवाटारमा भएको संवादपछि बाहिरिदै कांग्रेस प्रतिनिधिसभाका प्रमुख सचेतक रमेश लेखकले कांग्रेसको मागमा प्रधानमन्त्री दाहाल सकारात्मक रहेको बताएका हुन्। हामीले सहकारी सन्दर्भमा जे कुरा उठाउँदै आएका थियौं संसदीय छानबिन गठनका विषयमा प्रधानमन्त्रीज्युसँग प्रस्ट कुरा राख्यौं। उहाँले सकारात्मक ढंगबाट लिनुभएको छ,’ उनले भने।
कांग्रेसले आफ्नो थप निर्णय सोमबार बस्ने संसदीय दलको बैठकबाट लिने लेखकले बताए। संवादमा उपसभापति पूर्णबहादुर खड्का, महामन्त्री गगन थापा, कांग्रेस राष्ट्रिय सभा संसदीय दलका नेता कृष्णप्रसाद सिटौला पनि सहभागि थिए
