नवनिर्वाचित सांसद सुहाङ नेम्बाङले लिए शपथ

हाम्रो इकोनोमि

 

 

इलाम-२ बाट नवनिर्वाचित सांसद सुहाङ नेम्बाङले पद तथा गोपनीयताको शपथ ग्रहण गर्नुभएको छ । आज बिहान सिंहदरबारमा प्रतिनिधिसभाका सभामुख देवराज घिमिरेसमक्ष नेम्बाङले शपथ लिनुभएको हो । गत बैशाख १५ गते भएको उपनिर्वाचनबाट एमालेका उम्मेदवार नेम्वाङ विजयी हुनुभएको थियो । नेम्वाङले २७ हजार ७७२ मत प्राप्त गर्दै विजयी हुनुभयो । सुहाङका बुबा एवम् एमाले उपाध्यक्ष सुवास नेम्वाङको निधन भएपछि इलाममा उपनिर्वाचन भएको थियो ।