वैशाख २९ र ३० गते एमाले कपिलवस्तुको जिल्ला अधिवेशन

हाम्रो इकोनोमि

 

 

 नेकपा (एमाले) कपिलवस्तुको जिल्ला अधिवेशन आगामी वैशाख २९ र ३० गते हुनेभएको छ । पार्टी जिल्ला कमिटी बैठकले जिल्ला अधिवेशनको मिति टुंगो लगाएको हो । अधिवेशनको उद्घाटन कार्यक्रम शिवराज नगरपालिकाको चन्द्रौटा खेल मैदानमा हुनेछ । त्यसैगरी देउराली रिसोर्टको सभा हल खैरेनीपुरमा बन्दसत्र सञ्चालन हुनेभएको छ । बैठकबाट अधिवेशनको लागि जिम्मेवारी बाँडफाँड पनि गरिएको छ । अधिवेशनसँग सम्बन्धित विभिन्न विभागलाई जिम्मेवारी दिइएको एमाले नेता खिमलाल भट्टराईले जानकारी दिनुभयो ।