नेकपा एसका जीतबहादुरको पनि जमानत जफत, ४०८ भोटमात्र ल्याए

 

 

 

 इलाममा नेकपा एसका उम्मेदवार जीतबहादुर राईले पनि जमानत जोगाउन सकेनन् । प्रतिनिधि सभा सदस्य ऐनअनुसार जम्मा सदर मतको १० प्रतिशतभन्दा कम मत पाउने उम्मेदवारको धरौटी जफत हुने कानूनी व्यवस्था छ । राईले ४०८ भोटमात्र ल्याए । इलाम नेकपा एसका सम्मानित नेता झलनाथ खनालको गृहजिल्ला हो । यहाँ पार्टीबाट उनै खनाल चुनावी कमाण्डर खटिएका थिए । १९ जना प्रतिस्पर्धामा रहेको यस क्षेत्रमा १६ जनाको धरौटी जफत भएको छ । रास्वपाका मिलन लिम्बू पनि जमानत जफतको सूचीमा छन् । यहाँबाट २७ हजार ७७२ भोट ल्याएर नेकपा एमालेका सुहाङ नेम्वाङ निर्वाचित भए ।