कांग्रेसले आजपनि प्रतिनिधि सभा बैठक अवरुद्ध पार्ने



 

 

 

प्रमुख प्रतिपक्षी दल नेपाली कांग्रेसले आज बुधबार पनि प्रतिनिधि सभा बैठक अवरुद्ध पार्ने भएको छ । सहकारी ठगीका विषयमा संसदीय छानविन समिति गठन गर्नुपर्ने माग गर्दै आएको कांग्रेसले छानविन समिति गठन नभएसम्म संसद् चल्न नदिने अडान लिएको हो । सहकारी ठगीमा उपप्रधानमन्त्री एवम् गृहमन्त्री रवि लामिछाने स्वयम् आरोपित रहेको भन्दै त्यो आरोपबाट मुक्त नभएसम्म अनुसन्धान गर्ने निकायको प्रमुखकारुपमा कार्य गर्न नमिल्ने भनेको छ । कांग्रेसकै मागबमोजिम मंगलबार प्रधानमन्त्री पुष्पकमल दाहालले संसद्मा जवाफ दिएपनि कांग्रेसले अडान छोडेको छैन ।

सहकारी ठगीका विषयमा संसदीय छानविन समिति गठन नभएसम्म संसद् चल्न नदिने कांग्रेस सांसद रामहति खतिवडाले बताउनुभयो । कुनै पनि आरोप लागेको व्यक्ति त्यस्तो अपराध अनुसन्धान गर्ने निकायको प्रमुख बन्न सक्दैन, मिल्दैन । उहाँहरूको जवाफ चित्तबुझ्दो छैन,’ सांसद खतिवडाले भन्नुभयो, ‘रवि लामिछानेमाथि मात्रै होइन, समग्र सहकारीमा भइरहेको ठगीका विषयमा छानविन गर्ने संसदीय छानविन समिति बनाउनुपर्छ, त्यस्तो छानविन समिति नबनेसम्म संसद् चल्न सक्दैन । हामीले संसद् कसरी चलाउने भन्ने जिम्मेवारी सत्तापक्षलाई सुम्पेका छौँ ।’

उहाँले निर्दोष व्यक्ति कुनै पनि छानविनबाट भाग्नुपर्ने अवस्था नरहेको बताउनुभयो । ‘वास्तवमा यो रास्वपाले लिएर आउनुपर्ने माग हो । अहिले त हामीले राखिदिएका छौँ । हिजो उहाँहरूले आरोेपमात्रै लगाउनुभयो, छानविनको हिम्मत गर्नुभएन,’ उहाँले भन्नुभयो, ‘हामीले त उहाँहरुमाथि लागेको आरोपलाई दुधको दुध, पानीको पानी छुट्याउन छानविन गरौँ भनिरहेका छौँ ।’ यदि गृहमन्त्री लामिछाने सहकारी ठगीमा निर्दोष हो भने छानविनबाट डराएर भाग्नुनपर्ने उहाँको भनाइ छ ।गृहमन्त्री लामिछानेविरुद्ध सहकारीको पैसा अपचलन गरेको विषयमा पीडितहरूले प्रहरीमा जाहेरी दिएका थिए । तत्कालै लामिछानेले आफूले त्यस्तो ऋण नलिएको दाबी गर्नुभएको थियो । मंगलबारै प्रतिनिधि सभाको बैठकमा कांग्रेस प्रमुख सचेतक रमेश लेखकले सरकारले संसदीय छानविन समिति गठन गरेर सहकारी ठगीका विषयमा छानविन नथालेसम्म संसद् चल्न नदिने बताउनुभएको थियो ।

प्रतिक्रिया दिनुहोस
गृहमन्त्री लामिछानेलाई पदमुक्त गर्न माग गर्दै सर्वोच्च अदालतमा रिट दर्ता

  सहकारीको रकम हिनामिना र अपचलनमा जोडिएका उपप्रधान तथा गृहमन्त्री रवि लामिछानेलाई पदबाट

हाम्रो मागमा छलफल गरेर जाऔँ : कांग्रेस

    नेपाली कांग्रेसले प्रधानमन्त्री पुष्पकमल दाहाल प्रचण्डलाई सहकारीको रकम अपचलनबारे छानबिन गर्न

प्रधानमन्त्रीले गरेको छलफल निष्कर्षविहीन

    सदनको गतिरोध अन्त्यको प्रयासमा प्रधानमन्त्री पुष्पकमल दाहाल प्रचण्डले सत्ता पक्ष र

क्रिकेटर सन्दीप लामिछानेको भिसा अन्योलमा

    क्रिकेटर सन्दीप लामिछानेको आज पनि भिसाको काम अघि नबढ्ने भएको छ